衷心感謝貴部安排，感謝台灣人民

• 發布日期： 2018-06-11
• 發布單位：
• 資料點閱次數：234

臺灣人和譪友善，非常感謝！ 一早網上訂好10月2日晚間22:20由臺北車站到花蓮的火車票，但當我到機場check-in好18:15的國泰飛機航班之後，竟然延誤至18:45起飛，實際起飛時間差不多19:00，我果陣先後悔check-in時候冇要求坐近出口。 一到步著陸已經系20:30，落機馬上狂奔入境櫃枱，一早就知條隊又要等我十幾分鐘，攞埋行李，咁就21:00。由桃園機場去臺北車站大約要一粒鐘車程，去到國光客運見到21:20先開車。 一野跳左上的士，諗都唔洗諗，長毛司機哥哥踩行油送我去臺北車站趕火車，車速最高160Km/h，見車過車，好似玩緊灣岸咁，司機哥哥都好有信心可以趕到火車。 一瞬間，接近去到臺北車站，原本仲有十分幾鐘就到，但非常唔好彩，完全塞死喺天橋上面，郁都唔鬱，我有諗過落車直奔火車站，但喺高速車道上面，只能夠等塞完車再前進。司機建議不如網上改火車班次，反正趕不上22:20火車班次，於是我拿出護照改，神推地護照用完原來冇放返落背囊入面。。。而我銀包唔夠台幣，司機哥哥接受俾港幣，而我俾多少量小費就含含聲落車。 一到臺北車站，即刻沖埋去櫃檯換票先發現唔見護照，急到個心有離心力知道本護照留左喺的士上面，護照唔見，火車又趕唔到，已經神志好亂，換票員工問我護照號碼，我邊記得護照號碼，我求其講，佢話唔岩，我先醒起仲有入台證。換左飛，可以趕最後一班火車落花蓮，23:30上車，03:00到花蓮。 一邊問what's app朋友丟失護照點搞，非常感謝呀宗，一邊廂已經喺臺北車站派出所報失，有位女饒長官教我留意警廣失物認領，很和藹友善，非常感謝。也非常感謝鐵路月臺大哥叫我到派出所報失，很和藹友善，非常感謝。 一直到玩完花蓮、台東、墾丁返到臺北先正式報失護照。去左幾個派出所，先可以睇到攝錄機睇返落車嘅位置，結果攝錄機盲點問題，影唔到邊架的士，即系冇辦法憑車牌號碼搵返邊架的士上面丟失護照，只好攞報失紙回港。派出所員警哥哥郭駿宏先生很和藹友善，非常感謝。佢仲俾左個桃園機場網我，叫我睇睇護照遺失紀錄。呢個時候已經淩晨03:00。 一起身打電話去問問，有位元羅先生接電話，真系有人執到我本護照，送左去機場特勤隊。羅先生和藹友善，非常感謝。中間仲有好多友善和藹嘅人，非常感謝。當下心情好到不得了。結果我終於喺最後一日成功搵返護照返港，而我再問拾得者嘅聯繫方式時侯，竟然冇留低同埋要求報酬。我諗你都試過失而復得嘅感覺，真系非常非常捧，一切都得歸功於臺灣人優良品德，搵得返護照原因絶對是人的素質原因吧，希望更多香港遊客可以感受到每一位臺灣人的友善、熱心，再想藉此把我護照送回機場特勤小組，讓我得以尋回護照，萬分感激，祝你，祝臺灣人民安康！
民眾姓名: F00 F00